profile pic

Nee, my ou suikerpot, die lewe is nie net skanghagha nie

Dinsdag 15 Augustus 2017 Geplaas deur Jana Luther

Die meeste van die tale wat aan ons bekend is, bestaan uit verskillende variëteite.

Naas die standaardvariëteit – wat gewoonlik so volledig moontlik ontwikkel word om deur soveel as moontlik gebruikers verstaan te word en soveel as moontlik van die funksies te verrig wat ’n mens van ’n taal kan verwag, veral in formele kontekste – beskik die meeste tale ook oor:

  • dialekte en geolekte, verskillende vorme van taalgebruik wat in verskillende dele van ’n land of taalgebied gebruik word (en soms selfs as verskillende tale beskou word); en
  • sosiolekte (groeptale, mengtale en geheimtale), wat met verskillende sprekersgroepe verbind word.

Soos ’n rivier waarin verskillende strome ineenvloei, word elke taal deur uiteenlopende en ineenlopende omgangstale gevoed; variëteite van die taal wat verskillende groepe en subkulture gebruik om kommunikasie tussen hulle te vergemaklik – of te bemoeilik. Terwyl elke individu boonop sy of haar eiesoortige taal gebruik, wat ’n idiolek genoem word.

Sonder al hierdie strome is daar geen taal nie.

LEES VERDER
profile pic

Help bietjie dié flaters regstel op Wikipedia

Saterdag 12 Augustus 2017 Geplaas deur Gerhard van Huyssteen

’n Dag sonder Wikipedia is soos ’n huweliksonthaal sonder vrugtekoek: onsuksesvol. Om dit nou maar byderwets en onidiomaties te stel: Ek lief Wikipedia!

Maar dié week stuit ek my teen twee vergissings op die Afrikaanse Wikipedia. Anders as ’n onsuksesvolle huwelik(sonthaal), kan onsuksesvolhede op Wikipedia gelukkig maklik ongedaan gemaak word.

Ek loop die woord “gespikkeldeminiatuurgroentekewer” iewers in ’n bemarkingsteks raak. Nou kyk, ek is mal vir lang woorde, maar dié ene laat my drie keer dink en sluk. 

LEES VERDER
profile pic

Trend toon opwaartse neiging

Sondag 06 Augustus 2017 Geplaas deur Jana Luther

In die nuwe Afrikaanse woordelys en spelreëls is heelparty leenwoorde uit Engels opgeneem, maar nie sommer voor die voet, ligtelik of lukraak nie, nee. Woorde soos venue en smoothie het in #AWS2017, en ook in die Handwoordeboek van die Afrikaanse Taal, hulle plek ingeneem nadat hulle lank op die Taalkommissie, én op die woordeboekmakers, se dophoulyste was.

LEES VERDER
profile pic

Afrikaans druk digitale stempel nou deeglik af

Saterdag 05 Augustus 2017 Geplaas deur Gerhard van Huyssteen

As jy teen dié tyd nog nie gehoor het van die gloednuwe Afrikaanse woordelys en spel­reëls (AWS) nie, was jy waarskynlik met vakansie in die boendoe.

Donderdagaand 3 Augustus 2017 is dié eeufeesuitgawe by ’n luisterryke geleentheid op die dak van die Media24-gebou in Kaapstad bekend gestel. RSG het die bekendstelling regstreeks uitgesaai, Coenie de Villiers het ’n opreggeteelde hond uit ’n bos uit gesing, die kameras het gerol en geflits, daar is feestelik gefuif en gebras. Die uitgewer, Pharos Woordeboeke, het geen geld en moeite ontsien nie om dié Afrikaanse prestasie met luide geskal te vier.

LEES VERDER
profile pic

Subredakteur is koerant se onbesonge held

Saterdag 29 Julie 2017 Geplaas deur Gerhard van Huyssteen

“Karlien se twiete maak Derick lam” (Rapport, 13 Desember 2015)

As daar ʼn Madame Tussauds vir koerantkoppe was, was hierdie ene definitief daar verewig.

Waldimar Pelser (redakteur) en Andries Gouws (uitlegsubredakteur) moet die erkenning kry vir dié kreatiewe uitdinksel. Wat dit nóg snaakser maak, is dat “twiete” volgens die Afrikaanse woordelys en spelreëls eintlik verkeerd is; dit moet na regte “twiets” wees.

LEES VERDER

RSS-VOERE

Is jy 'n groentjie as dit oor RSS-voere gaan? Laai ons blitsgids af om jou te help.

NUUSARGIEF

FACEBOOK