profile pic

Die juffrou wil 'n antwoord hê

Donderdag 07 September 2017 Geplaas deur Sophia Kapp

Ek ontvang heelwat navrae by VivA van leerders (en hulle gefrustreerde ouers) oor skoolwerk. Van hulle stuur vir my formele en beleefde e-posse, netjies taalversorg en reg geformateer. Ander skiet sulke bondige WhatsApps na my foon toe wat sommer so vibreer van moerigheid. Ander bel my en vra (met hulle maters al giggelend in die agtergrond) of daar 'n verskil tussen "gaatjie" en "gatjie" is. (Die arme kinders dink die Taaltannie gaan ontstig raak deur anatomiese verwysings en weet nie sy het 'n trop taalvaardige tienerseuns oorleef nie.)

LEES VERDER
profile pic

Breek jy ʼn been op die verhoog in Afrikaans?

Dinsdag 05 September 2017 Geplaas deur Gerhard van Huyssteen

Vra iemand op Facebook: “Weet iemand van ʼn lekker Afrikaanse ekwivalent vir ‘break a leg’?”

In die teaterwêreld – of dit nou drama, ballet of opera is – is daar wêreldwyd ʼn tradisie dat jy nooit ʼn akteur of sanger goeie wense voor ʼn vertoning mag toewens nie. Dit is ʼn yslike taboe om vir Bobby van Jaarsveld “Sterkte!” te skree, terwyl jy jou onderklere op die verhoog gooi. Moenie dit doen nie.

Die Engelse “break a leg” se herkoms is volledig onbekend, hoewel daar genoeg teorieë is om ʼn hele boek oor te skryf.

LEES VERDER
profile pic

Wen met Varsgebek!

Donderdag 31 Augustus 2017 Geplaas deur Sophia Kapp

VivA se Skolekompetisie is hierdie jaar weer aan die gang. Leerders van enige ouderdom kan inskryf en daar is elke maand R5 000 op die spel. Aan die einde van die jaar is daar ook vir 'n graad 11- of 12-leerder wat die weninskrywing ingestuur het 'n studiebeurs van R150 000 op die spel vir naskoolse studie in enige rigting aan enige instansie in die land. Dié beurs en die kontantpryse word met trots geborg deur die Atterbury Trust. Boonop kry die wenskool R10 000 om te bestee soos hulle wil, die skool met die meeste inskrywings kry R5 000 en die onderwysers wat die weninskrywing aangemoedig het, kry R2 500 – 'n heerlike bonus hier kort voor die Desembervakansie!

LEES VERDER
profile pic

Die digitalisering van Afrikaanse bronne

Woensdag 30 Augustus 2017 Geplaas deur Sophia Kapp

Van 16-17 Augustus 2017 het die Virtuele Instituut vir Afrikaans (VivA), die Noordwes-Universiteit se projek rakende die Digitale Bibliografie van die Afrikaanse Taalkunde (DBAT) en die biblioteek van die Universiteit van Pretoria se Open Scholarship-afdeling 'n kollokwium gefasiliteer oor die digitisering en digitalisering van publikasies in en oor Afrikaans. Belanghebbendes is uitgenooi om daaraan deel te neem sodat daar 'n bestekopname oor die huidige stand van sake gedoen en 'n werksplan vir die toekoms opgestel kon word.

LEES VERDER
profile pic

Nuwe gids vir termskeppers

Maandag 28 Augustus 2017 Geplaas deur Jana Luther

In die taalkundewêreld is die naam dr. Mariëtta Alberts ’n huishoudelike naam. Sy is veral bekend in terminologie- en leksikografiekringe, met ander woorde by die mense wat woordeboeke maak en termlyste saamstel. Gerhard van Huyssteen het haar onlangs by ’n kongres raakgeloop en met haar oor haar spiksplinternuwe boek gesels:

LEES VERDER

RSS-VOERE

Is jy 'n groentjie as dit oor RSS-voere gaan? Laai ons blitsgids af om jou te help.

NUUSARGIEF

FACEBOOK