profile pic

Dink aan nóg nuwes, behalwe googleloer ...

Vrydag 03 Augustus 2018 Geplaas deur Gerhard van Huyssteen

ʼn Gunstelingtydverdryf onder taalaficionado’s is die soeke na sogenaamde onvertaalbare woorde.

Skuinskoek, padkos, hartbeeshuis en rooibostee.

Gesoute vertalers of taalkundiges sal jou dalk gou vertel dat dit nie vreeslik interessant is nie. Ek is egter nog laf genoeg om iets sinnigs daarin te probeer soek.

LEES VERDER
profile pic

'n Vergiettes is koel

Woensdag 25 Julie 2018 Geplaas deur Sophia Kapp

Staan vanaand en kosmaak. Die student is by en ek sê: "Gee asseblief vir my die vergiettes aan." Stilte. Beweginglose stilte. "Wat is ʼn vergiettes?" vra hy. Ek verduidelik hoe dit lyk, en die ligte gaan aan. "Ooooo, ʼn colander! Nou hoekom sê jy nie dis wat jy wil hê nie? Dis mos baie makliker om die een woord te gebruik wat almal ken." (Die meisie is Engels, en dié kook lekker. En hy help haar, want hy wil nog indruk maak, dié dat hy weet van ʼn colander.)

Nou kyk, die student eet net pasta. Hy eet al pasta vandat hy sy twee tandvleise teen mekaar kon skuur, en ek dreineer pasta al in ʼn vergiettes vandat ek dit in my ma se huis leer kook het. As my eie kind nie weet wat ʼn vergiettes is nie, is dit niemand se skuld buiten myne nie.

LEES VERDER
profile pic

Uitblinker

Woensdag 25 Julie 2018 Geplaas deur Sophia Kapp

Marlie Coetzee, VivA se raakvat-bestuurshoof, het onlangs haar MBA behaal en het ʼn spesiale toekenning vir ʼn projek ontvang. Ons het haar gevra om so ʼn paar vrae oor haar studie te beantwoord sodat ons met haar kan spog.

LEES VERDER
profile pic

Toppunt van grammatikale kolonialisme

Vrydag 20 Julie 2018 Geplaas deur Gerhard van Huyssteen

Verlede week se top- drie politiekkorrekthede:

  • Scarlett Johansson word uit die rolverdeling van ʼn film verwyder, omdat slegs ʼn transgenderpersoon kennelik die rol van ʼn transgenderpersoon mag vertolk.
  • ʼn Klomp internetvroue speel die seksismetroef toe die Nadal-Djokovic-semifinaal noodgedwonge oorloop na die Saterdag en geskeduleer word vir ʼn uur voor die vrouefinaal.
  • Ter plaatse lyk dit asof ons voortaan nie meer van die Zulu’s/Zoeloes mag praat nie, maar eerder van die amaZulu/AmaZulu. Só blyk dit in ieder geval op SABC News se webwerf.

Dit is oor laasgenoemde wat ek dit vandeesweek wil hê.

LEES VERDER
profile pic

Taalkundefees in Kaapstad

Dinsdag 10 Julie 2018 Geplaas deur Jana Luther

Wat is taal? Waar kom taal vandaan? Hoe werk taal?

Die wetenskap wat hom met die aard en ontwikkeling van taal bemoei, met al die beginsels en fasette onderliggend aan taal, is die linguistiek.

Sonder taal sou omtrent geen menslike aktiwiteit kon plaasvind nie. Ons eenvoudigste denke, kennis van die geskiedenis, ons navorsing oor elke aspek van die wêreld en die heelal waarin ons ons bevind (liggaamlik, ekologies, geestelik), ons kulturele erfenis, saketransaksies, kommunikasie oor gesondheid, ons individualiteitsgevoel, die mens se gemeenskapsbewussyn, noem maar op. Dit alles berus op taal. 

Vir elke vorm van kennis is kennis van taal die alomteenwoordige grondslag. 

Die eerste internasionale kongres van taalkundiges is in 1928 in Den Haag gehou. Dit was die eerste keer in die geskiedenis dat die taalkunde as ’n outonome studiegebied aangebied is. Tydens dié nooienskongres is ’n permanente internasionale komitee van taalkundiges (die Comité International Permanent des Linguistes, CIPL) in die lewe geroep. Sedert 1945 word die CIPL deur Unesco beskerm, die Opvoedkundige, Wetenskaplike en Kulturele Organisasie van die Verenigde Nasies.

LEES VERDER