Afrikaansonderwysers! Met ons slimfoon-app “Woordeboekportaal” kan leerders vanlyn in woordeboeke naslaan. Ons het werkkaarte ontwikkel vir onderwysers van graad 8 tot 12 in Afrikaans Huistaal en Afrikaans Eerste Addisionele Taal waarmee hulle die app vir leerders kan illustreer. Laai gerus dié werkkaarte af, en moedig leerders aan om dié app in die klas en tuis in te span wanneer hulle huiswerk doen.
NOG ’N SPORTTOER? ’N FIETSTOER? ’N KOORTOER? NEE, ’N TAALTOER!
Is jou leerder ’n presteerder? Is woorde vir julle ’n wonder en weet julle dat taal ’n goue skakel met die res van die wêreld is? Weet julle dat tegnologie en taal onafskeidbaar is as dit kom by die voortbestaan van enige taal, veral in die digitale era waarin ons leef?
Dan is die taal- en tegnologietoer wat die Virtuele Instituut vir Afrikaans tans vir hoërskoolleerders reël, iets wat julle nie moet misloop nie.
