Taal-kuns-en-tegnologietoer
KOM REIS SAAM MET ONS!
Taal-kuns-en-tegnologietoer
Die Virtuele Instituut vir Afrikaans bied met trots ’n unieke reiservaring, in samewerking met Tienie Jonker Toere, aan!
English follows the Afrikaans.
VivA stel bekend: Ons taal-kuns-en-tegnologietoer vir September 2025
NOG ’N SPORTTOER? ’N FIETSTOER? ’N KOORTOER? NEE, ’N TAALTOER!
Is jou leerder ’n presteerder? Is woorde vir julle ’n wonder en weet julle dat taal ’n goue skakel met die res van die wêreld is? Weet julle dat tegnologie en taal onafskeidbaar is as dit kom by die voortbestaan van enige taal, veral in die digitale era waarin ons leef?
Dan is die taal-kuns-en-tegnologietoer wat die Virtuele Instituut vir Afrikaans tans vir hoërskoolleerders reël, iets wat julle nie moet misloop nie.
WAARHEEN GAAN ONS?
VivA beoog om vanaf 30 September tot 12 Oktober 2025 ’n toer na die volgende plekke te onderneem:
- Parys, Frankryk
- Brugge, België
- Brussel, België
- Gent, België
- Antwerpen, België
- Amsterdam, Nederland
- Leiden, Nederland
- Volendam, Nederland
- Rotterdam, Nederland
- Keulen, Duitsland
- Rynvallei, Duitsland
- Frankfurt, Duitsland
FOKUS HIERDIE TOER NÉT OP TAAL?
Nee! Hierdie toer fokus nie nét op die voordele en werksgeleenthede in taalkunde nie, maar ook in:
- Sagtewareontwikkeling
- Sosialemedia-inhoudskepping
- Digitale inhoudskepping
- Ingenieurswese
- Grafiese ontwerp
- Webbladontwikkeling
- Taaltegnologie
VivA bied leerders ook die geleentheid om meer te leer oor die digitale era waarin ons leef. Dit sluit in: konsepte soos soekenjinoptimalisering (SEO), hoe data-algoritmes werk, en die tegnologie wat groot organisasies soos Facebook, Instagram, Twitter en Google gebruik om ’n groeiende digitale markaandeel in die wêreld te bekom. Daarom besoek ons:
- Die Instituut voor de Nederlandse Taal (INT) aan die Universiteit Leiden, ’n instituut wat tegnologie inspan en sagteware ontwikkel om ’n digitale platform daar te stel waar alle inhoud oor Nederlands, Vlaams en ander Nederlands-verwante dialekte ’n digitale tuiste het;
- Prof Jacques van Keymeulen, taalkundenavorser verbonde aan die Universiteit Gent, België;
- Prof Yves T’Sjoen, verbonde aan die Gentse Sentrum vir Afrikaans en die Studie van Suid-Afrika, en organiseerder van die jaarlikse Gent Kollokwium waartydens die nuutste navorsing oor Afrikaans bespreek word;
- Die Poësiesentrum in Gent wat dien as ’n dokumentasie-, inligting- en studiesentrum vir Nederlandstalige poësie en buitelandse poësie wat Afrikaans insluit;
- Die Universiteit Leiden en die Universiteit van Antwerpen waar Afrikaans as ’n universiteitsvak aangebied word en professors toergangers sal toespreek;
- Die Zuid-Afrikahuis in Amsterdam, ’n kultuur- en inligtingsentrum vir Afrikaans met ’n biblioteek wat meer as 60 000 Afrikaanse boeke en tydskrifte beskikbaar het. Die Zuid-Afrikahuis bied ook Afrikaanslesse vir Nederlanders aan onder leiding van Elize Zorgman, ’n oud-Suid-Afrikaner wat meer as twintig jaar gelede emigreer het na Nederland; en
- Die Nederlandse Taalunie in Den Haag, onder leiding van Ingrid Glorie, verbonde aan die Internationale Vereniging voor Neerlandistiek (IVN) en organiseerder van die Festival voor het Afrikaans, wat weer in 2025 aangebied sal word.
Maar ons maak darem tyd vir ander opwindende toeristeaktiwiteite ook. Die kostes vir die onderstaande uitstappie beloop 150 euro per persoon en sluit in:
- ’n Dag in Parys saam met Marita van der Vyver
- Die Eiffeltoring
- Die Arc de Triomphe
- Notre-Dame-katedraalr
- Louvre-museum
- Nouveau centre Néerlandais
- Choco-Story, die sjokolademuseum in Brugge
- ’n Kanaalbootrit in Brugge/Amsterdam
- ’n Staptoer in Antwerpen saam met ’n plaaslike gids
- Remastered-vertoning
- Kaasplaas en klompefabriek in Volendam
- Keulen-katedraal (Hohe Domkirche Sankt Petrus)
- Seilbahn, Rüdesheim
- Rheinstein-kasteel, Duitsland
- Bootvaart op die Rynrivier
WAT GAAN ONS BELEEF?
Die fokus is op die taal se herkoms, natuurlik, maar ook op die rol wat Afrikaans vandag nog in hierdie deel van die wêreld speel. Ons lê klem op die belangrike plek wat Afrikaans in die Germaanse taalfamilie beklee, en ons stel ons jong reisigers voor aan die Europese akademici en instellings wat vandag nog Afrikaans in hulle navorsing en tegnologie-ontwikkeling insluit.
WIE KAN DIE TOER MEEMAAK?
Hoërskoolleerders wat meer wil leer oor Afrikaans en interessante beroepskeuses, is welkom om hierdie interessanthede saam met ons te besoek. ’n Minimum van tien leerders uit elke skool kan saam met hul onderwyser op hierdie toer gaan. Die onderwyser sal as toerouer vir hierdie leerders optree saam met die VivA-span. Kostes beloop R56 950 vir September 2025.
WIE REËL EN BESTUUR DIE TOER?
VivA se uitvoerende direkteur, Marlie Coetzee, en Elza Gerber van Tienie Jonker Toere tree as toeroperateurs op. Hulle sal voortdurend saam met die groep wees om toe te sien dat dinge klopdisselboom verloop. Die toer word deur ’n professionele toeragentskap, Tienie Jonker Toere, beplan, gereël en bestuur. Tienie Jonker Toere het reeds meer as sewe-en-twintig jaar ervaring as dit kom by internasionale toere en gesels gereeld Saterdagmiddae met Johan Rademan op RSG.
WAAR KAN EK MEER INLIGTING KRY?
Inligting oor die presiese reisplan, die prys, die datums en die voorwaardes vir deelname is op ons webblad beskikbaar.
Skakel met ons uitvoerende direkteur, Marlie Coetzee, by Hierdie e-posadres word van Spambotte beskerm. Jy moet JavaScript ontsper om dit te lees. vir meer besonderhede.
Besprekings word hanteer deur Tienie Jonker Toere: https://tjtoere.co.za/inskrywingsvorm
Volg ons op ons sosialemediaplatforms om meer te sien van wat jy te wagte kan wees met hierdie taaltoer:
Sluit ook gerus by VivA se taaltoergroep op Facebook aan en gesels lekker saam met ons oor die toere.
WORD DAAR NOG TOERE BEPLAN VIR 2025?
Die voorlopige beplanning vir 2025 lyk as volg:
- September-toer: 30 September tot 12 Oktober 2025
Prys: Ongeveer R56 950 per persoon vir 2025
Introducing VivA's Language, Art and Technology Tour for September 2025
ANOTHER SPORTS TOUR? A BIKE TOUR? A CHOIR TOUR? NO, A LANGUAGE TOUR!
Is your pupil an academic star? Does the allure of words ignite their intellectual passion? Do you know that language is a golden thread that binds the world together? Do you know that technology and language are inseparable when it comes to the survival of any language, especially in the digital age we live in? Get ready for the Language, Art and Technology Tour by the Virtual Institute for Afrikaans, designed for high school students. This exclusive experience delves into the dynamic fusion of language and technology in the modern era.
Don’t miss out on this insightful journey where academia meets innovation. Join us for an exploration that transcends boundaries.
WHERE ARE WE GOING?
- Paris, France
- Bruges, Belgium
- Brussels, Belgium
- Ghent, Belgium
- Antwerp, Belgium
- Amsterdam, the Netherlands
- Leiden, the Netherlands
- Volendam, the Netherlands
- Rotterdam, the Netherlands
- Cologne, Germany
- Rhine Valley, Germany
- Frankfurt, Germany
DOES THIS TOUR FOCUS ON LANGUAGE ONLY?
No! This tour also focuses on:
- Software development
- Social media content creation
- Digital content creation
- Engineering
- Graphic design
- Web page development
- Language technology
Cost: Approximately R56 950 per learner for 2025
What is included in the tour price?
- plane tickets
- airport taxes
- accommodation
- breakdast each day
- nine dinners
- transport in Europe
- all planned excursions
Toerplan/Tour plan
Dag 1
Die avontuur begin wanneer ons vanmiddag vanaf OR Tambo Internasionale Lughawe en Kaapstad Internasionale Lughawe vertrek. Ons geniet aandete aan boord.
Day 1
The adventure begins this afternoon when we depart from OR Tambo International Airport and Cape Town International Airport. Dinner is served on board.
Dag 2
Net ná ontbyt land ons in Parys. Ons luukse, lugversorgde bus wag by die lughawe en vertrek dadelik na die hartjie van Parys. Die bekroonde en geliefde skrywer Marita van der Vyver sluit by ons aan en is ons gids wanneer ons ’n stadstoer per bus doen. Hierna vertrek ons na ons hotel waar ons die volgende twee aande tuisgaan. Vanaand ry ons met die moltrein om die Eiffeltoring se liggies te sien.
Day 2
We’ll be in Paris shortly after breakfast. Our luxurious air-conditioned bus is waiting at the airport and immediately departs for the heart of Paris. The award-winning and beloved writer Marita van der Vyver will be our guide when we do a city tour by bus until we leave for our hotel where we’ll be staying for the next two nights. In the evening we’ll take the Paris Metro to see the lights of the Eiffel tower.
Dag 3
Ons verken vandag Parys se middestad. Vroegoggend vertrek ons vir ons besoek aan die Eiffeltoring en kry die gulde geleentheid om met ’n hyser na die eerste verdieping te ry, of met die trappe te klim as jy vol energie is. Die wêreldbekende Louvre-museum, tuiste van Da Vinci se “Mona Lisa”-skildery, is ons volgende bestemming. Vroegaand besoek ons die Nouveau centre Néerlandais langs die Franse ambassade waar oud-Suid-Afrikaner Sonya van Schalkwyk Afrikaanse boeke in Frans vertaal. Sy bied ook taallesse aan vir Franssprekendes wat meer oor Afrikaans wil leer.
Day 3
Today we’ll explore the inner city. A visit to the Eiffel tower is first on our programme and we get the golden opportunity to take the lift to the first floor, or the steps if we feel energetic. The worldfamous Louvre museum, home of Da Vinci’s “Mona Lisa” painting, is our next destination. In the early evening we’ll visit the Nouveau centre Néerlandais next to the French embassy where ex-South African Sonya van Schalkwyk translates Afrikaans books into French. She also offers language lessons for French speakers who want to learn more about Afrikaans.
Dag 4
Vroegoggend vertrek ons noordwaarts en reis deur die Franse platteland voor ons die grens oorsteek na België waar ons vir die volgende twee aande in die prentjiemooie Brugge tuisgaan. By die sjokolademuseum in Brugge gaan jy geleentheid kry om aan die lekkerste Belgiese sjokolade te smul.
Day 4
This morning we head north and travel through the French countryside before crossing the border to Belgium where we’ll stay in the picturesque Bruges for two nights. At the chocolate museum in Bruges you will have the opportunity to taste the best Belgian chocolate.
Dag 5
Vandag besoek ons die Poësiesentrum, tuiste van ’n groot versameling Afrikaanse poësie, in die mooi stadjie Gent. Dan volg ’n besoek aan die Universiteit Gent. Die Gentse Sentrum vir Afrikaans en die Studie van Suid-Afrika is ook op vanoggend se program. Daarna kry ons geleentheid om inkopies te doen in die interessante winkels.
Day 5
At the Poetry Centre in the pretty city of Ghent we’ll learn more about their large collection of Afrikaans poetry. A visit to Ghent University is next. The Ghent Centre for Afrikaans and the Study of South Africa is also on this morning’s programme. Then it is time to browse the interesting shops.
Dag 6
Ons groet Brugge vandag en reis verder noord na Antwerpen, stad van diamante, en die modemekka van Noord-Europa. ’n Mede-Suid-Afrikaner wat hier woon, begelei ons op ’n staptoer deur die stad en vertel ons meer van die alledaagse lewe in Antwerpen. Vanmiddag besoek ons die Universiteit Antwerpen waar Afrikaans en Swahili as vakke aangebied word.
Day 6
We bid Bruges farewell and continue our journey further north to Antwerp, city of diamonds, and the fashion mecca of Northern Europe. A South African who lives here accompanies us on a walking tour through the city and tells us more about everyday life in Antwerp. During the afternoon we’ll visit the University of Antwerp where Afrikaans and Swahili are some of the subjects.
Dag 7
Nederland is ons volgende bestemming. In Rotterdam gaan ons die onbeskryflike vertoning, Remastered, beleef. Die beste Nederlandse digitale kunstenaars laat die ou meesters se werk lewe op die grootste LED-skerm in Europa. Ons kry ook die geleentheid om hierdie stad se asemrowende moderne argitektuur in te neem. Hierna vertrek ons na ons hotel op die platteland net buite Amsterdam, waar ons vir die volgende drie aande oornag. Op pad soontoe doen ons aan by die fraai vissersdorpie Volendam, om eg Nederlandse tradisies eerstehands te beleef. Ons gaan loer ook in by ’n kaasplaas en klompemakery.
Day 7
Today we’ll travel to the Netherlands. In Rotterdam we’ll experience the breathtaking show, Remastered. The best Dutch digital artists have made the works of the old masters come to life on the biggest LED screen in Europa. We also get the opportunity to look closely at this city’s amazing modern architecture. Then we are on our way to our hotel in the countryside just outside Amsterdam, where we’ll stay for the next three nights. On the way there, we’ll stop at the beautiful fishing village of Volendam, to experience real Dutch traditions firsthand. We will also drop by a cheese farm and clog factory.
Dag 8
Ná ontbyt reis ons na Leiden wat al sedert 1575 ’n universiteitstad is. Hier gaan ons onder meer die Instituut voor de Nederlandse Taal besoek en meer oor die Universiteit van Leiden uitvind. Dan besoek ons die Corpus-museum waar jy op ’n reis gaan deur die menslike liggaam! Dis ’n interaktiewe ervaring van hoe die menslike liggaam werk – vanaf jou kniekoppe tot in jou brein.
Day 8
After breakfast we’ll depart for Leiden, a university city since 1575. Here we will visit the Instituut voor de Nederlandse Taal and find out more about Leiden University. Afterwards we’ll visit the Corpus museum where you can go on a journey through the human body! This is an interactive experience of how the human body works – from your kneecaps to your brain.
Dag 9
Vandag gaan ons in Amsterdam onder meer ’n gragtevaart doen, die Google-hoofkwartier besoek, asook die Zuid-Afrikahuis en die Meertens Instituut in die hartjie van die stad. Tydens hierdie besoek sal Elize Zorgman, ’n oud-Suid-Afrikaner wat Afrikaanslesse vir Nederlanders aanbied, en Ingrid Glorie, feesorganiseerder van die Festival voor het Afrikaans, ons toespreek. Hierna kry ons die geleentheid om inkopies te doen en van die gewilde fritjes te proe.
Day 9
Today a canal cruise in Amsterdam awaits us, and we’ll visit the Google headquarters, as well as the Zuid-Afrikahuis and the Meertens Institute in the heart of the city. During this visit we can listen to informative talks by Elize Zorgman, an expat who teaches Afrikaans to Dutch students, and Ingrid Glorie, festival organiser of the Festival voor het Afrikaans. We can look forward to doing some shopping and enjoying the popular fritjes – the Dutch version of chips.
Dag 10
Ons groet Nederland vanoggend en steek die grens oor na Duitsland waar ons ’n draai maak in Keulen (Cologne), die stad wat veral bekend is vir sy Keulse water (4711 Eau de Cologne) en pragtige Domkerk wat ’n Unesco-Wêrelderfenisterrein is. Dan reis ons verder tot in die Rynvallei waar ons oornag in ’n dorpie reg langs Europa se bekendste rivier, die Ryn.
Day 10
We say goodbye to the Netherlands and cross the border to Germany for a brief visit to Cologne – the old city famous for 4711 Eau de Cologne – and its beautiful cathedral, a Unesco World Heritage Site. Our journey then takes us to the Rhine valley where we’ll stay in a little town on the banks of Europe’s most famous river, the Rhine.
Dag 11
Vanoggend kry jy die geleentheid om per kabelspoor oor die wingerde te ry tot by die Niederwald-monument, wat een van die belangrikste gebeure in die Duitse geskiedenis gedenk. Van hier af gaan ons ’n staproete volg al langs die Ryn, deur ’n grot, en met ’n stoelhyser afgaan tot by een van die ou Duitse kastele waar jy kan gaan kyk hoe dit binne lyk. Hierna vaar ons per boot terug na ons bestemming in Rüdesheim.
Day 11
This morning you’ll get the opportunity to ride in a cable car over the vineyards to the Niederwald monument that commemorates one of the most important events in German history. From here we will walk all along the Rhine, through a cave, and go down with a chairlift to one of the old German castles where you will have the opportunity to go inside. After this we will return by boat to our destination in Rüdesheim.
Dag 12
Die laaste dag van die toer het aangebreek. Vanoggend vertrek ons na Frankfurt vir ’n besoek aan die stad voor ons vanaand terugvlieg.
Day 12
The last day of the tour! After breakfast we head for Frankfurt to explore the city before our departure back to South Africa.
Dag 13
Wanneer ons op OR Tambo Internasionale Lughawe en Kaapstad Internasionale Lughawe land, is ons stokflou ná ’n opwindende toer propvol onvergeetlike ervarings.
Day 13
When we arrive at OR Tambo International Airport and Cape Town International Airport we are exhausted after an exciting tour jam-packed with unforgettable experiences.
BESPREEK VANDAG!
- retoervliegkaartjie
- lughawebelasting (die meeste rederye vra tans meer as R6 000)
- alle ontbyte en die meeste aandetes
- bootvaart op die Rynrivier in Duitsland
’n Deposito van R10 000 per persoon verseker jou plek op die toer.
Die uitstaande balans kan oor ’n periode van twee maande voor ons vertrek betaal word.
Ons bankbesonderhede:
Bank: FNB
Rekeningnaam: Tienie Jonker Toere
Rekeningnommer: 62571210021
Takkode: 240438 Potchefstroom
Verwysing: Jou naam en van
E-pos die bewys van betaling na: Hierdie e-posadres word van Spambotte beskerm. Jy moet JavaScript ontsper om dit te lees. of faks na 086 718 1866
- Koste van ’n paspoort
- Visum en reisversekering
- Enige binnelandse vlugte
- Sakgeld,
- Opsionele uitstappies
GESELS SAAM
