Taaldienste vir korporatiewe kliënte

VivA bied aan: ʼn taaldiens vir korporatiewe kliënte


In ʼn era van blitsvinnige, gedigitiseerde kommunikasie, het ʼn maatskappy gewoonlik net een geleentheid om ʼn kliënt se aandag vas te vang. Juis daarom bestee maatskappye baie geld aan die ontwikkeling van ʼn korporatiewe identiteit en professionele grafika, maar baie korporatiewe entiteite vergeet dat kliënte meer as ʼn mooi prentjie wil hê voor hulle in ʼn produk gaan glo.


Hedendaagse kliënte is kieskeurig, en hulle vereis harde inligting oor produkte en dienste. Sulke inligting word gewoonlik steeds in taal aangebied. Maatskappye moet terugvoer gee aan direkteure en beleggers, en hierdie inligting word steeds in ʼn teks verpak. ʼn Maatskappy wat met kliënte praat in skitterende prentjies en slordige taal, is soos iemand wat by ʼn uithanggeleentheid opdaag met duur aandklere en onversorgde vingernaels.


Die Virtuele Instituut vir Afrikaans bied nou aan ons korporatiewe kliënte die geleentheid om korporatiewe tekste deur VivA te laat redigeer en vertaal. Hierdie professionele, betaalde diens vorm deel van Teksredaksieportaal, en word deur VivA se eie personeel onderneem.


Ons bied onder andere die volgende dienste:

  • Redigering van korporatiewe Afrikaanse tekste, insluitende briewe, AJV’s, agendas en notules
  • Vertaling van korporatiewe tekste uit Engels na Afrikaans
  • Redigering en vertaling van advertensiekopie
  • Redigering en vertaling van kontrakte, memoranda van ooreenkoms, bepalings en voorwaardes
  • Redigering van akademiese tekste, soos handboeke, artikels, verhandelings en proefskrifte
  • Redigering en vertaling van die inhoud van webblaaie en ander digitale koppelvlakke


Let daarop dat ons hoofsaaklik in Afrikaans werk, en dat ons vermoë om hierdie dienste in Engels te bied, baie beperk is. Ons tariewe vir die diens is markverwant, en die proses behels ʼn formele ooreenkoms tussen VivA en die kliënt. Bepalings en voorwaardes geld.


Skakel met Marlie Coetzee, VivA se uitvoerende bestuurder, by Hierdie e-posadres word van Spambotte beskerm. Jy moet JavaScript ontsper om dit te lees. om meer te wete te kom.