VivA bied op die laaste Maandag van elke maand ’n werkwinkel aan. Hierdie werkwinkels handel oor die ontsluiting van die nuutste Afrikaanse Woordelys en Spelreëls, redigering, en vertaling. Die werkwinkels bestaan uit een sessie wat in die oggend van 9:00 tot 13:00 plaasvind. Die sessie bestaan uit vier webinare wat elkeen stiptelik op die uur begin. Die bywoningskakels word die Vrydag voor die werkwinkel aan deelnemers gestuur. ’n Deelnamesertifikaat word na afloop van die werkwinkel uitgereik aan deelnemers wat die volledige werkwinkel bywoon.