Marlie coetzee
Me. Marlie Coetzee

(Uitvoerende direkteur van VivA)


Marlie Coetzee is tans die uitvoerende direkteur vir VivA. Sy het ‘n BA in kommunikasiekunde verwerf, waarna sy haar nagraadse diploma in besigheidsbestuur voltooi het. Daarna het sy as projekbestuurder gewerk vir VivA en by die Sentrum vir Tekstegnologie (CTexT®) van die Noordwes-Universiteit (NWU), wat taaltegnologieprodukte vir Suid-Afrikaanse tale ontwikkel. Sy het onlangs haar meestersgraad in besigheidsadministrasie (MBA) by die NWU verwerf.

Hierdie e-posadres word van Spambotte beskerm. Jy moet JavaScript ontsper om dit te lees.
Roné Wierenga
Me. Roné Wierenga

(Besigheidsbestuurder en taalkundeskrywer van VivA)


Roné Wierenga is tans projekbestuurder en taalkundeskrywer vir die Virtuele Instituut vir Afrikaans (VivA). Naas hierdie rolle is sy ook sedert 2019 werksaam by die Digitale Bibliografie van die Afrikaanse Taalkunde (DBAT) en die Digitale Bibliografie van die Afrikaanse Letterkunde (DBAL). Sy het in 2022 ’n meestersgraad in Linguistiekteorie aan die Noordwes-Universiteit voltooi en onderneem tans verdere doktorale studie. Haar navorsing fokus op Afrikaanse variëteite, beskrywende taalkunde, sintaksis en korpuslinguistiek. Haar belangstellings sluit egter fonetiek en fonologie, taalverandering, digitisering en diachroniese taalkunde in. Sy het ook 'n agtergrond in antieke tale en is aktief betrokke by projekte wat poog om taaltegnologie toeganklik te maak in al die inheemse Suid-Afrikaanse tale.

Hierdie e-posadres word van Spambotte beskerm. Jy moet JavaScript ontsper om dit te lees.
Nadine Fouche
Me. Nadine Fouché-Karsten

(Taalkundeskrywer en onderrigleermateriaalontwerper van VivA)


Nadine Fouché-Karsten was vanaf 2016 tot 2019 ’n lektor binne die Fakulteit Opvoedkunde aan die Noordwes-Universiteit waar sy voorgraadse en nagraadse studente in aspekte van die Afrikaanse taalkunde en taalonderrig onderrig het. Sedert 2020 is sy ’n taalkundeskrywer en -navorser vir die Virtuele Instituut vir Afrikaans. Sy is ook die leier van die projek Afrikaansgrammatika vir die onderwys waar haar regter- en linkerbrein saamwerk om VivA se Afrikaansgrammatika op ’n kreatiewe, innoverende wyse vir Afrikaansonderwysers en -leerders te ontsluit. Haar groot liefde, soos blyk uit haar pos by VivA, is die nare stiefkind van die taalkunde, naamlik grammatika, veral die wyse waarop dit kommunikatief onderrig kan word ten einde ’n brug te bou tussen abstrakte grammatikale items en die werklike lewens van leerders in die Afrikaans Huistaalklaskamer.

Hierdie e-posadres word van Spambotte beskerm. Jy moet JavaScript ontsper om dit te lees.
Gerhard van Huyssteen
Prof. Gerhard van Huyssteen

(Taalkundenavorser van VivA)


Gerhard van Huyssteen is professor in Afrikaanse taalkunde en rekenaarlinguistiek aan die Noordwes-Universiteit. Hy is die voormalige voorsitter van die Taalkommissie van die Suid-Afrikaanse Akademie vir Wetenskap en Kuns. Oor die afgelope aantal jare is hy veral ook besig met die ontwikkeling van taaltegnologiese hulpbronne en toepassings vir Afrikaans.

Hierdie e-posadres word van Spambotte beskerm. Jy moet JavaScript ontsper om dit te lees.