Marlie coetzee
Me Marlie Coetzee

(Uitvoerende direkteur van VivA)


Marlie Coetzee is tans die uitvoerende direkteur vir VivA. Sy het ‘n BA in kommunikasiekunde verwerf, waarna sy haar nagraadse diploma in besigheidsbestuur voltooi het. Daarna het sy as projekbestuurder gewerk vir VivA en by die Sentrum vir Tekstegnologie (CTexT®) van die Noordwes-Universiteit (NWU), wat taaltegnologieprodukte vir Suid-Afrikaanse tale ontwikkel. Sy het onlangs haar Meestersgraad in Besigheidsadministrasie (MBA) by die NWU verwerf.

Hierdie e-posadres word van Spambotte beskerm. Jy moet JavaScript ontsper om dit te lees.
sophia
Me Sophia Kapp

(Taaladviseur van VivA)


Sophia Kapp is tans senior taaladviseur vir VivA. Sy is ná haar universiteitsopleiding aan die Universiteit van die Oranje-Vrystaat as dosent in taalkunde by die Universiteit van Natal (Durban) aangestel. Daarna is sy Potchefstroom toe om daar klas te gee. Intussen het sy van taalkunde na taalpraktyk beweeg en sy hou haar al die afgelope vyftien jaar voltyds met vertaling en redigering besig. Daarbenewens het sy verskeie artikels, rubrieke, kortverhale en liefdesromans gepubliseer. Sophia is ook lid van die Afrikaanse Taalkommissie van die Suid-Afrikaanse Akademie vir Wetenskap en Kuns.

Hierdie e-posadres word van Spambotte beskerm. Jy moet JavaScript ontsper om dit te lees.
Gerhard van Huyssteen
Prof Gerhard van Huyssteen

(Taalkundenavorser van VivA)


Gerhard van Huyssteen is professor in Afrikaanse taalkunde en rekenaarlinguistiek aan die Noordwes-Universiteit. Benewens sy rol as taalkundenavorser van VivA, is hy tans ook die voorsitter van die Taalkommissie van die Suid-Afrikaanse Akademie vir Wetenskap en Kuns. Oor die afgelope aantal jare is hy veral ook besig met die ontwikkeling van taaltegnologiese hulpbronne en toepassings vir Afrikaans.

Hierdie e-posadres word van Spambotte beskerm. Jy moet JavaScript ontsper om dit te lees.
Nina Brink
Nina Brink

(Taalkundeskrywer van VivA)


Nina Brink is tans ’n dosent in Afrikaanse taalkunde aan die Noordwes-Universiteit se Skool vir Tale. Sy het ’n BA in Kommunikasiekunde, ’n BA Honneurs in Afrikaans en Nederlands en ’n MA in Afrikaans en Nederlands aan die Noordwes-Universiteit se Potchefstroomkampus verwerf. Nina spesialiseer met haar navorsing en onderrig in beskrywende taalkunde en teksredaksie en doen ook navorsing oor kindertaalverwerwing.

Hierdie e-posadres word van Spambotte beskerm. Jy moet JavaScript ontsper om dit te lees.
Nadine Fouche
Nadine Fouche

(Taalkundeskrywer van VivA)


Nadine Fouché is tans ʼn lektor binne die Fakulteit Opvoedkunde aan die Noordwes-Universiteit. Sy onderrig voorgraadse en nagraadse studente in aspekte van die Afrikaanse taalkunde en van taalonderrig. In 2016 verwerf sy ’n MEd-graad aan die Noordwes-Universiteit met ʼn verhandeling, getiteld Kohesiemerkergebruik in die skryfwerk van Afrikaanssprekende graad 6- en graad-leerders. In 2017 publiseer sy ʼn artikel, Carstens se raamwerk van Afrikaanse konjunksiemerkers: ʼn akkurater en vollediger weergawe in die Tydskrif vir Geesteswetenskappe. In dieselfde jaar lewer sy ʼn referaat by die CLASA-konferensie (Conference of the Language Associations of Southern Africa), getiteld Taalmiddele vir die realisering van leksikale kohesie: ʼn raamwerk vir Afrikaans wat tans na ’n artikel verwerk word. In 2018 reis sy na Bulgarye, en lewer sy ’n referaat The link between language of learning and teaching and poor reading performance by die BCES-konferensie (The Annual National Conference of the Bulgarian Comparative Education Society).

Hierdie e-posadres word van Spambotte beskerm. Jy moet JavaScript ontsper om dit te lees.
Roné van Wyk
Me Roné van Wyk

(Taalkundeskrywer en navorsingsassistent van VivA)


Roné van Wyk is tans taalkundeskrywer en –navorser vir VivA. Naas hierdie rolle is sy ook assistent by DBAT en DBAL. Sy onderneem vanjaar ’n Meestersgraad in Linguistiek aan die Noordwes-Universiteit. Haar navorsing fokus op beskrywende diachroniese taalkunde, sintaksis en korpuslinguistiek. Sy het in 2019 ’n BA Honneurs in Afrikaans en Nederlands, met Latyn as addisionele module, aan die Noordwes-Universiteit verwerf.

Hierdie e-posadres word van Spambotte beskerm. Jy moet JavaScript ontsper om dit te lees.