PERSONEEL

Me Marlie Coetzee

(Projekbestuurder van VivA)

Telefoonnommer: +27 18 299 1020

E-pos: Hierdie e-posadres word van Spambotte beskerm. Jy moet JavaScript ontsper om dit te lees.

 

Marlie Coetzee is die projekbestuurder vir VivA. Sy is ook projekbestuurder by die Sentrum vir Tekstegnologie (CTexT®) van die Noordwes-Universiteit (NWU), Potchefstroomkampus, wat taaltegnologieprodukte vir die Suid-Afrikaanse tale ontwikkel.


sophia
Me Sophia Kapp

(Taaladviseur van VivA)

Telefoonnommer: +27 62 126 0295

E-pos: Hierdie e-posadres word van Spambotte beskerm. Jy moet JavaScript ontsper om dit te lees.

 

Sophia Kapp is tans senior taaladviseur vir VivA. Sy is ná haar universiteitsopleiding aan die Universiteit van die Oranje-Vrystaat as dosent in taalkunde by die Universiteit van Natal (Durban) aangestel. Daarna is sy Potchefstroom toe om daar klas te gee. Intussen het sy van taalkunde na taalpraktyk beweeg en sy hou haar al die afgelope vyftien jaar voltyds met vertaling en redigering besig. Daarbenewens het sy verskeie artikels, rubrieke, kortverhale en liefdesromans gepubliseer. Sophia is ook lid van die Afrikaanse Taalkommissie van die Suid-Afrikaanse Akademie vir Wetenskap en Kuns.


Jana Luther

(Taalpraktisyn van VivA)

E-pos: Hierdie e-posadres word van Spambotte beskerm. Jy moet JavaScript ontsper om dit te lees.

 

Jana Luther is redakteur van die 6de uitgawe van die Handwoordeboek van die Afrikaanse Taal (HAT); senior taalpraktisyn by die Virtuele Instituut vir Afrikaans (VivA); en ’n lid van die SA Akademie vir Wetenskap en Kuns se Taalkommissie, verantwoordelik vir die 11de uitgawe van die Afrikaanse woordelys en spelreëls (AWS) in 2017. Sy studeer in die Afrikaanse, Nederlandse en Engelse letterkunde, semantiek en leksikografie en behaal in 1991 ’n meestersgraad met lof aan die Randse Afrikaanse Universiteit (nou die Universiteit van Johannesburg). Van 1991 tot 2006 is sy as leksikograaf aan Tafelberg-Uitgewers, Pharos Woordeboeke en NB-Uitgewers verbonde, en van 2007 tot Junie 2017 uitgewer-leksikograaf by Pearson South Africa. Van 1996 tot 2006 is sy ’n gereelde subredakteur in die nagkantoor van die Kaapse dagblad Die Burger. As vryskutvertaler, -redigeerder en -proefleser werk sy al byna drie dekades met ’n verskeidenheid manuskripte van talle bekende en bekroonde Afrikaanse skrywers.


prof
Prof Gerhard van Huyssteen

(Uitvoerende direkteur van VivA)

E-pos: Hierdie e-posadres word van Spambotte beskerm. Jy moet JavaScript ontsper om dit te lees.

 

Gerhard van Huyssteen is professor in Afrikaanse taalkunde en rekenaarlinguistiek aan die Noordwes-Universiteit. Benewens uitvoerende direkteur van VivA, is hy tans ook die voorsitter van die Taalkommissie van die Suid-Afrikaanse Akademie vir Wetenskap en Kuns. Oor die afgelope aantal jare is hy veral ook besig met die ontwikkeling van taaltegnologiese hulpbronne en toepassings vir Afrikaans. In sy private hoedanigheid bedryf hy saam met 'n Nederlandse onderneming 'n taalvasvrawebwerf, Beter Afrikaans.