VivA is vir die hele taalgemeenskap. Ryk en arm. Van Kakamas tot die Kaapse Vlakte. Plaaslik en internasionaal.
’n Persoonlike boodskap van Marlie Coetzee (uitvoerende direkteur van VivA Afrikaans)
Beste VivA-gebruiker
Ek vra dat jy asseblief 60 sekondes sal neem om hierdie boodskap te lees. Soos wat die nuwe jaar vir ons almal aangebreek het, het daar ook ’n nuwe fase vir VivA aangebreek – ʼn fase van opwindende innovering! Soos jy reeds weet, is VivA ’n maatskappy sonder winsoogmerk en is ons afhanklik van borgskappe en donasies om VivA se virtuele deure oop te hou.
Sal jy asseblief ʼn tydjie afknyp om te dink hoeveel keer jy VivA onlangs geraadpleeg het om die korrekte antwoorde op jou taalvrae te kry? VivA bied nie nét antwoorde op jou vrae nie – ons gee vir jou die régte antwoorde.
Hoe waardevol was die inhoud wat VivA aan jou voorsien het? Kon ons jou help om ’n woord reg te spel? Kon ons jou help om jou skoolwerk meer suksesvol te voltooi? Kon ons jou help met jou navorsing? Jou verhandeling? Jou werk? Kon ons help om jou leesvaardighede te verbeter?
Dink terug aan die waarde wat VivA in 2022 vir jou gebied het – dink jy dit is ’n donasie van R100 werd? As dit vir jou moontlik is, word asseblief deel van die VivA-weldoeners wat ’n jaarlikse of maandelikse donasie aan VivA maak. As elkeen wat tans hierdie boodskap lees ʼn donasie van slegs R100 maak, bereik VivA sy doelwit binne ʼn paar uur.
Soos jy ook reeds weet, bied VivA ʼn uitsonderlike en unieke diens as daar gekyk word na ons groot verskeidenheid Afrikaanse webwerwe. Hier is geen advertensies nie, hier word nie maandelikse gelde gevra vir toegang tot ons inhoud nie, en hier is nie inligting agter ʼn betaalmuur versteek nie. En VivA wil dit graag só hou.
VivA is besig om ʼn digitale wêreld vir Afrikaans te bou. Ons vra jou om deel te wees van hierdie innoverende veranderinge wat VivA binnekort gaan begin implementeer.
Kom beleef die toekoms van Afrikaans reeds vandag saam met VivA.
Maak ʼn donasie
VivA is vir Artikel 18A-vrystelling geregistreer, wat beteken dat enige individu of maatskappy se skenking van belasting afgetrek kan word.
