Dit is ’n platform waar VivA se Afrikaanse Skoolgrammatika (ASG) met behulp van verskillende hulpbronne vir die Afrikaanstaalonderwysersgemeenskap (dosente van Onderwysafrikaans, voornemende en praktiserende Afrikaansonderwysers, insluitend tuisonderwysers) ontsluit word. Verminder jou lyding met leiding oor skoolgrammatika (oftewel taalstrukture en -konvensies).
’n Plakkaat met ’n definisie van elke woordsoort
Hierdie leerhulpmiddel is ’n A0-plakkaat waarop die definisie van elke woordsoort gegee word – ook geïllustreer met voorbeelde.
Afrikaansonderwysers, as jy graag wil verstaan waarom ons ons definisies van die onderskeie woordsoorte op ’n sekere wyse geformuleer het, gaan kyk asseblief die nuttige, gratis, aflaaibare video wat ook op hierdie bladsy beskikbaar is. Die naam van hierdie video is "Die definisies van woordsoorte".
| Definisies.pdf |
’n Plakkaat met ’n uiteensetting van die verskillende Afrikaanse woordsoorte en hul subkategorieë (soorte)
Hierdie A0-plakkaat gee ’n uiteensetting van die verskillende Afrikaanse woordsoorte (of hoofkategorieë) én die soorte (of subkategorieë) waarin elke woordsoort verdeel kan word, elkeen toegelig met voorbeeldwoorde.
| Uiteensetting.pdf |
Videomateriaal: inleiding tot woordsoorte
Die volgende kreatiewe, lewenswerklike video kan in die Afrikaansklaskamer gebruik word om woordsoorte aan veral jonger leerders bekend te stel.
| Inleiding tot woordsoorte.mp4 |
Volg ons op sosiale media
