Die modereringsdiens is ʼn diens wat VivA vir skole, onderwysers – in besonder Afrikaansonderwysers – en onderriginstansies bied. Dit wil sê enigeen wat hul brood en botter verdien deur skoolinhoud of onderrigmateriaal vir die onderrig van Afrikaans, en meer spesifiek vir die onderrig van grammatika (oftewel “taalstrukture en -konvensies”) skep. Hierdie diens werk in samehang met VivA se professionele taaldienste waar VivA inhoud wat in Afrikaans geskep is, proeflees, taalversorg en redigeer om te verseker dat die taalgebruik van topgehalte is. Die modereringsdiens fokus op die inhoud van onderigmateriaal vir die onderrig van Afrikaans as skoolvak en VivA se span kundiges gaan die inhoud na om te verseker dat dit strook met die mees resente taalkundenavorsing oor die grammatika of taalstrukture en -konvensies.
Wat behels die diens?
- VivA se kundige span wys duidelike inhoudelike foute met betrekking tot grammatika (taalstrukture en -konvensies) uit en bied die korrekte antwoord.
- Die VivA-span wys leemtes/afwykings asook diskrepansies/teenstrydighede in die taalstrukture en -konvensies uit en maak aanbevelings.
- Aanbevelings word ook gemaak om skoolinhoud tot ’n groter mate te belyn met resente taalkundebeskrywings van Afrikaans.
Watter onderigmateriaal kan VivA modereer?
- Vraestelle, klasopdragte en assesseringstake waarin taalstrukture en -konvensies die primêre fokus is
- Klaskamerhulpmiddels soos plakkate, werkkaarte, lesplanne en uitdeelstukke oor taalstrukture en -konvensies
- Leergidse en handboeke (let wel dat die kostes verbonde aan groter tekste soos leergidse en handboeke hoër is.)
Voornemende gebruikers van hierdie diens kan ʼn kwotasie aanvra vir die moderering en/of taalversorging van bostaande onderrigmateriaal deur ʼn e-pos te stuur aan Hierdie e-posadres word van Spambotte beskerm. Jy moet JavaScript ontsper om dit te lees..
